Tryggingareftirlitið: Minni váði sæst aftur í avkastinum

Føroysku pensjónsfeløgini hava ikki eins stóran váða og tey donsku, og tað sæst aftur í avkastinum.

Tað sigur Jógvan Thomsen, stjóri í Tryggingareftirlitinum.

Í 2024 gjørdi Tryggingareftirlitið eina frágreiðing í íløguavkastið av føroyskum eftirlønaruppsparingum.

Hon vísir, at avkastið av eftirlønaruppsparingum í Føroyum er nøkur prosentstig minni enn í Danmark. Og hóast tað kanska ikki ljóðar av nógvum, so kann tað yvir eitt arbeiðslív geva fleiri milliónir krónur minni í uppspardari eftirløn, enn um avkastið líktist tí, sum vit síggja í Danmark.

Tryggingareftirlitið fær einki gjørt við, hvussu lívstryggingarfeløg og eftirlønargrunnar gera íløgur, fyri at fáa pengarnar at kasta av sær. Feløgini ella grunnarnir, sum umsita eftirlønirnar, gera sjálv av, hvussu íløgurnar veðra gjørdar.

Hoyr innslag í útvarpstíðindunum: