6.000 fermetrar til bústaðarbygging í Kollafirði

Tórshavnar kommuna bjóðar nú slakar 6.000 fermetrar til íbúðar- og/ella raðhúsabygging í Kollafirði.

Nágreiniliga er økið 5.772 fermetrar.

Tað er ætlað til bústaðarbygging við fríøkjum og øki uttanum.

Minst 30 prosent av økinum skulu skipast sum frí- og uppihaldsøki.

Økið er miðskeiðis í bygdini.

Freistin at bjóða er á middegi 17. juli.

Politisk avgerð verður tikin í september ella í oktober, sigur kommunan.

Bústaðarskylda verður kravd.