Landið fekk 150 millónir í avkasti

Fíggjarognir landskassans góvu 150 milliónir krónur í avkasti í fjør.

Tað svarar til 3,3 prosent.

Fyrstu mánaðirnar í árinum var gongdin á fíggjarmarknaðum óstøðug, sigur Landsbankin. 

Tað var, tá amerikanski forsetin,Donald Trump, fyrst í apríl mánaða, legði fram ætlanir um nýggjar tollásetingar á nærum øll heimsins lond. Hetta førdi til stórt fall á partabrævamarknaðinum. 

Kortini vendist hendan afturgongdin lutfalsliga skjótt til framgongd, so hvørt sum lond gjørdu nýggjar handilsavtalur sínámillum, og óttin fyri inflatión og búskaparligari afturgongd spakuliga minkaði. 

Í seinna hálvári broyttist myndin nógv, og nýtt bjartskygni kom, sigur Landsbankin.