Kommunan ger sum Dátueftirlitið sigur

Klaksvíkar kommuna tekur niðurstøðuna hjá Dátueftirlitinum til eftirtektar.

Kommunan hevur fingið álvarsliga átalu fyri ikki at forða fyri álopinum frá teldusníkum í september 2024.

Kommunan, sigur, at hon tekur málið í fullum álvara og hevur sett ítøkilig tiltøk í verk fyri at forða fyri endurtøku.

Klaksvíkar kommuna er í tøttum samskifti við Dátueftirlitið um at rætta tey viðurskifti, sum eru ávíst. 

Og tað arbeiðið gongur eftir ætlan, sigur kommunan.

Dátueftirlitið hevur álagt kommununi at fáa ávís viðurskifti í rættlag í seinasta lagi 1. august.