Trump: Libanon og Ísrael vorðin samd um stutta vápnahvíld

Libanon og Ísrael eru vorðin samd um stutta vápnahvíld. Tað boðaði amerikanski forsetin, Donald Trump, frá á egna sosiala miðli sínum fyri lítla løtu síðani.

Vápnahvíldin kemur í gildi í kvøld kl. 11, - tað vil siga kl. 10 í kvøld okkara tíð, og skal vara í 10 dagar.

Trump hevur fyrr í dag tosað í telefon við libanska forsetan, Joseph Aoun, og sambært Trump, var talan um úrslitagóða samtalu.

Um Hizbollah eisini fer at binda seg til vápnahvíldina er treytað av, at Ísrael gevst við sínum álopum, sigur Hassan Fadlallah, sum umboðar Hisbollah í libanska tjóðartinginum, við Reuters tíðindastovuna.

Hann sigur, at iranski sendiharrin kunnaði seg um gongdina í samtalunum millum Ísrael og Libanon.

Hassan Fadlallah sigur, at vápnahvíldin er úrslit av diplomatiska arbeiðnum hjá Iran.