Starmer er farin at møðast av Trump

Bretski forsætisráðharrin, Keir Starmer, sigur, at hann er ”troyttur” av Donald Trump og samanber hann við Vladimir Putin.

- Eg eri móður av, at familjur og fyritøkur um alt landið finna útav, at orkurokningar, sum tey fáa, hækka og lækka sum avleiðing av gerðum hjá Trump ella Putin, sigur Starmer við bretsku sjónvarpsrásina ITV, sambært The Telegraph.

Starmer er í dag í Miðeystri og tosar við londini kring Persaflógvan um, hvussu Bretland kann stuðla vápnahvíldini millum USA, Ísrael og Iran, og hvussu tryggjast kann, at Hormuzsundið verður verandi opið.

Starmer tosaði í gjár við Trump um tørvin at lata Hormuzsundið upp, har ein fimtingur av heimsins olju skal flytast ígjøgnum.

Eftir at Starmer í fjør heyst beyð Trump á almenna vitjan, eru viðurskiftini millum teir báðar vorðin alsamt spentari. 

Trump hevur millum annað gjørt persónlig álop á Starmer, og sagt, at Starmer er "eingin Winston Churchill."