Fíggjarnevndin hevur játtað fýra milliónir til nýggjan kupil

Fíggjarnevndin í Løgtinginum hevur givið bráðfeingis játtan uppá fýra milliónir krónur at gera nýggjan kupil á Sornfelli.

Málið hevur skund, um kupilin skal skiftast í summar, og tað var ein samd nevnd, ið tók undir við málinum.

Við árslok 2013 yvirtók landsstýrið ognirnar hjá Færøernes kommando uttan viðurlag, herundir á Sornfelli. Ein kupil verður leigaður út til Naviair til 2028, tá ið danska verjan eftir ætlan skal leiga hann til ætlaða nýggja radaran.

Landsverk metir, at kupilin er í so ringum standi, at hann má skiftast. Tilboð er komið inn at gera nýggjan kupil, og tí verður arbeitt skjótt, so kupilin kann skiftast í summar.

Hoyr innslag í útvarpstíðindunum: