Handilsvinnan bjartskygdari - byggivinnan hevur minni at gera

Handilsvinnan er bjartskygdari nú, og húsarhaldini halda, at fíggjarliga støðan verður betri um eitt ár.

Tað sigur nýggjasta konjunkturbarometrið hjá Hagstovuni.

Konjunkturbarometrið er nú 11. Tað er minni enn langtíðarmiðalið, sum er 14. 

Byggivinnan er ikki bjartskygd um framtíðina.

Bíleggingarnar hjá byggivinnuni eru færri nú, enn tær hava verið. 

Byggivinnan væntar, at tørvurin á arbeiðsmegi fer at minka komandi árið.

Tilfeingis- og ídnaðarvinnan er eitt vet meira bjartskygd, og tænastuvinnan sigur, at eftirspurningurin hevur verið betri í seinastuni. Men væntandi fer hann at minka komandi árið.

Konjunkturbarometrið byggir á spurnarkanningar, sum verða gjørdar í januar og juni.