Epstein-skjøl: Órinið tikið frá Thorbjørn Jagland

Fyrrverandi norski forsætisráðharrin, Thorbjørn Jagland, hevur mist órin sítt í Evroparáðnum, har hann var aðalskrivari frá 2009 til 2019. 

Fyrrverandi aðalskrivarin hevur havt órin fyri arbeiði sítt sum aðalskrivari, men ein samd ráðharranevnd avgjørdi at taka órinið frá honum í dag. 

 - Avgerðin tekur støði í avdúkingum í miðlunum síðani november 2025, tá amerikanskir myndugleikar almannakunngjørdu skjøl í Epstein-málinum, skrivar Evroparáðið um avgerðina. 

Thorbjørn Jagland er undir illgruna fyri grova korruptión, og tað er tí, at norska politieindin, Økokrim, umvegis norska uttanríkisráðið hevur heitt á Evroparáðið, um at taka órinið frá Thorbjørn Jagland.

Var væntandi

Sakførarin hjá Jagland - Anders Brosveet, sigur í einum tíðindaskrivi at tað var væntandi, at Evroparáðið fór at taka órinið frá Jagland. 

 - Jagland fer at samstarva við kanningina, fyri at øll viðurskifti skulu gerast greið.

Hann leggur aftrat, at Thorbjørn Jagland tekur málið í stórum álvara, men leggur dent á, at hann heldur ikki, at talan er um revsiverd viðurskifti.