VIDEO: Fyrsta royndin við nót hjá nýggja Finni Fríða

Skipini hava nú fingið størri lodnukvotu í Íslandi, tí kunngerðin um størri heildarkvotu er komin.

Nú er hon 9.446 tons.

Gøtunes, Finnur Fríði og Tróndur í Gøtu hava fingið 1574 tons í part, og Høgaberg og Norðborg hava fingið 2.362 tons í part.

Fyrsta royndin við nót

Fyri nýggja Finn Fríða er fiskiskapurin eitt sindur sermerktur. Hetta er nevniliga fyrstu ferð, at nýggja skipið hjá Varðanum roynir við nót. 

Hesa upptøkuna av nýggja Finni Fríða á lodnuveiðu út fyri Vatnajøkul gjørdi Sigmund av Teigum: 

Andri Hansen, skipari umborð á Finni Fríða, letur væl at fyrstu royndini við nót. 

"Skipið riggar avbera væl til nót. Tá skipið bleiv teknað og bygt, bleiv lagdur stórur dentur á at skipið skuldi vera eitt gott nótaskip. Úrslitið er gott," staðfestir Andri Hansen. 

Finnur Fríði, Nót, Lodna, Uppsjóvarskip, Uppsjóvarfiskiskapur, Uppsjóvarfiskur fiskiskapur

Ein treyt fylgja tó við størru lodnukvotuni í íslendskum sjógvi. Hon er, at til og við 17. februar sleppa skipini at landa í mesta lagi 1771 tons til frystingar uttan fyri Ísland ella frysta lodnuna umborð. 

Eftir 17. februar sleppa tey at landa til frystingar uttan fyri Ísland ella frysta umborð í mesta lagi 1000 tons.