Starmer: Grønlendingar og danska kongsríkið eiga einsamøll avgerðina

Bretski forsætisráðharrin Keir Starmer hevði fyrrapartin tíðindafund um Grønland. 

Embætisverkið hjá Starmer hevur sagligt samband við umsitingina hjá amerikanska forsetanum, Donald Trump. 

Starmer staðfestir, at allar avgerðir um framtíð Grønlands eiga grønlendingar og danska kongsríkið einsamøll:
 

"Viðvíkjandi Grønlandi, so er rætti mátin at handfara eitt so álvarsligt mál sum hetta siðiligt orðaskifti millum sameind. Og tað er greitt, at trygdin í Grønlandi hevur týdning. Og hon fær størri týdning, tá ið veðurlagsbroytingar umskapa Arktis, tá ið nýggjar sjóvegis farleiðir koma, og tá ið stategisk kapping herðist.

Allar avgerðir um framtíð Grønlands eiga grønlendingar og danska kongsríkið einsamøll.

Keir Starmer

- Økið fer at krevja størri uppmerksemi, íløgur og størri felags verju. Og her hevur USA alstóran týdning. Bretland er til reiðar at hjálpa saman við sameindum gjøgnum Nato. Og tað er ein aðalregla, sum ikki kann skúgvast til viks. Tí tað er hjartanemandi, hvussu treyst og álítandi aljóða samstarv virkar. Allar avgerðir um framtíð Grønlands eiga grønlendingar og danska kongsríkið einsamøll."

Keir Starmer

(Jordan Pettitt/AFP/Ritzau Scanpix)

Fullkomiliga skeivt at áseta revsitoll

Bretski forsætisráðharrin tosaði eisini um fráboðanina hjá amerikanska forsetanum, Donald Trump, um 10 prosent revsitoll á Danmark og onnur lond í Evropa fyri teirra leiklut í stríðnum um Grønland.

- Hetta er púra skeivt. Hetta er ikki rætti mátin at loysa ósemjur í eini samgongu, sigur Starmer:

"Lunnarnir undir samgonguni er virðing og samstarv. Ikki trýst. Tí er tað fullkomiliga skeivt at brúka revsitoll móti sameindum. Hetta er ikki rætti mátin at loysa ósemjur í eini samgongu.

Tí er tað fullkomiliga skeivt at brúka revsitoll móti sameindum. Hetta er ikki rætti mátin at loysa ósemjur í eini samgongu.

Keir Starmer

Tað nyttar heldur ikki at brúka tiltøk at styrkja trygdina í Grønlandi sum grundgeving fyri búskaparligum trýsti. Slík tiltøk skaða bretska lønmóttakaran, bretskar fyritøkur og bretska búskapin. 

Tí havi eg verið so avgjørdur í hesum máli. Ongin hevur áhuga í handilskríggi.

Arbeiðið hjá mær er at verja Bretland og bretsk áhugamál.Tí tosaði eg í gjár við Trump forseta, evropiskar leiðarar og aðalskrivaran í Nato um eina loysn, sum byggir á samvinnu, fakta og sínámillum virðing. Tí soleiðis verja samgongur felags áhugamál."