- Tíðindi, mentan og ítróttur
Bíligari grundstykki í Sunda kommunu
Bíligari grundstykki í Sunda kommunu
Hóast kommunan hevur havt grundstykki tøk, hevur verið torført at selt tey
Bæði byggibúgvin og ikki byggibúgvin grundstykki verða nú bíligari í Sunda kommunu.
17.12.2025 - 08:33
Byggibúgvin grundstykki í Sunda kommunu verða 300 krónur bíligari fyri fermeturin.
Tað hevur býráðið í Sunda kommunu samtykt.
Grundstykkini kosta nú 795 kr. fyri fermeturin. Tey fara niður í 495 kr. fyri fermeturin.
Grundstykki, sum ikki eru byggibúgvin, verða eisini bíligari. Tey fara úr 200 krónum niður í 150 krónur fyri fermeturin.
Sunda kommuna sigur á heimasíðuni, at hóast hon hevur havt tøk grundstykki, so hevur seinastu árini verið torført at selt tey.
Býráðið hevur tí samtykt eftir tilmæli frá umsitingini at lækka grundstykkjaprísin.
Øll tøk grundstykki hjá kommununi verða lýst alment til sølu fyri nýggju ásettu prísirnar á heimasíðuni hjá kommununi og hjá Skyni 5. januar kl. 15.00.
Er kopiera
Nýggjastu sendingar í ÚV
Nýggjastu sendingar í SV
