Alt kann brúkast

Eitt noða ger ikki nógv, tá tú skalt binda tær eina troyggju, men skalt tú binda eina dukkutroyggju, so hevur tú nóg mikið.
Hesin tankin um at nýta tógvrestir var ein av orsøkunum til, at Gunvør Reyðberg valdi at fara undir bindibókina Søsterstrik, har tú finnur uppskriftir til barnatroyggjur, umframt eina dukku og klæðir til dukkuna.

Tað sum er serstakt við júst hesum dukkuklæðum er, at tey eru eins og klæðini til gentuna. Men tíma børn heimabundnar dukkur?
- Børnini halda tað vera stuttligt at fáa eina dukku, sum líkist mær, og vit hoyra saman, sigur Gunvør.

Orsøkin til, at bókin er skrivað á donskum og kemur út á donskum bókaforlagi er, at marknaðurin í Føroyum ikki er nóg stórur til eina slíka bók.

- Mær hevur altíð dámt væl bøkurnar hjá Turbine, so eg skrivaði til teirra, og tey tóku av.

Bókin hevur fingið góða móttøku, og komandi ár kemur hon út á týskum.