Brutu mjødnina í ferðsluóhappi

Tvey fólk brutu mjødnina í ferðsluóhappinum á Velbastaðhálsi í gjáramorgunin. 

Hini sjey fólkini í bilunum fingu ikki skaða, sigur politiið.

Óhappið var stutt fyri klokkan fimm í gjáramorgunin.

Annar bilurin fór á glið í hálkuni og rendi í síðuna á einum bili, sum var í hinari vegbreytini. 

Fimm fólk vóru í øðrum bilinum og fýra í hinum.

Øll eru tey ung fólk, og tey fóru á Landssjúkrahúsið.