Poul Geert heldur fram sum aðalstjóri - Elin verður deildarstjóri

Elin Mortensen verður ikki aðalstjóri í Barna- og útbúgvingarmálaráðnum frá 1. desember sum ætlað

Í staðin verður hon deildarstjóri í Vinnumálaráðnum.

Poul Geert Hansen heldur tí fram sum aðalstjóri í Barna- og útbúgvingarmálaráðnum. 

Tað boðar Løgmansskrivstovan frá.

Súsanna Bertholdsen verður landsstýriskvinna í barna- og útbúgvingarmálum 1. desember. Hon tekur við eftir Djóna Nolsøe Joensen, sum fer aftur í løgtingið. 

Elin Mortensen - mynd av Facebook-vanga

Elin Mortensen.

Ikki rætt at skifta arbeiðsøki

Elin Mortensen sigur soleiðis í viðmerking á heimasíðuni hjá Løgmansskrivstovuni:

“Í fyrstu syftu tók eg av starvinum sum aðalstjóri í Barna- og útbúgvingarmálaráðnum, men eftir gjølla umhugsan havi eg broytt støðu. Orsøkin er, at við mínum áhuga og royndum á fiskivinnuøkinum og í millumtjóða samstarvi, meti eg ikki tíðina vera rætta fyri meg at skifta arbeiðsøki. Eg vóni eisini, at eg einaferð aftur fái møguleika at átaka mær ein aðalstjórasess, hóast tíðin ikki var tann rætta hesa ferð.”