Støðið er høgt á Fimleikafagnaðinum í ár

400 fimleikarar kappast í Norðurlandahúsinum í Havn í dag, í sambandi við ársins Fimeikafagnað.

Flog, Ljósið, Støkk og Klaksvíkar Fimleikafelag eru við, og evnið ið verður viðgjørt í ár er vón.

Gunn Reginsdóttir Hermansen

Gunn Reginsdóttir Hermansen er samskipari á ársins Fimleikafagnaði, og hon greiðir frá, hví júst evnið vón varð valt:

- Hvørt ár fær sambandið ein lista av evnum, og tey søgdu beinanvegin, at á listanum, var evnið vón tað sum skilti seg úr. 

- Tey sóu fyri sær, at mann kundi fáa litríkar og glaðar framsýningar til tað. Eisini er tað eitt sindur meira álvarsamt evni.

Hansina Nesá

Hansina Nesá, úr Fimleikafelagnum Flog, greiðir frá, hvussu tey viðgerða evnið vón:

- Vit hava um Pandoru, sum er úr griksku mytologiini. Tað er hon, sum opnar eina eskju við øllum ræðuleikunum í heiminum. Hon blívur tó við at síggja, at har er okkurt eftir í eskjuni, og tá hon opnar aftur, er tað vónin sum kemur út.

Fimleikafagnaður 2025

Frítekst tagging: 

Fimleikafagnaður

Sambært samskiparanum, er tað torført at meta um, hvør ársins vinnari verður:

- Allar framførslurnar eru sera, sera góðar. Tað kemur í síðsta enda niður til tað sum fólk dáma. Men eg verði ikki yvirraskað av nøkrum felagi, eg haldi veruliga, at øll kunnu vinna.

Ársins vinnari gjørdist Fimleikafelagið Støkk.

Hoyr innslag: 

Fimleikafagnaður 2025

Frítekst tagging: 

Fimleikafagnaður

Myndir: Tordis Vang Guttesen