Eingin viðgerð til misnýtarar uttan bústað

Fastur bústaður er kravdur fyri at koma í viðgerð fyri misnýtslu av hørðum rúsevnum.

Hetta kann vera ein stórur trupulleiki, tí tað fyri heimleysar misnýtarar kann vera sera trupult at fáa fastan bústað.

Mena Joensen er misnýtsluviðgeri og veit um, hvussu trupult hendan støðan er fyri tey, sum eru rakt.

Sambært henni eiga øll at hava rættin til ein bústað. Og tað finnast loysnir, sum kunnu viðvirka til at loysa hendan trupulleikan.

Mena Joensen nevnir Housing First sum eitt dømi.

Housing First er ein máti at hjálpa heimleysum við at fáa ein fastan bústað, har tað ikki er eitt krav, at tey skulu gerast edrú, clean ella skulu í viðgerð fyrst.