Slapp undan at svara spurningi um Trump og Grønland

Ken Howery, nýggi amerikanski sendiharrin í Danmark, slapp undan at svara spurningi frá journalisti um Donald Trump og Grønland.

Tá journalisturin spurdi á tíðindafundi, var eitt starvsfólk hjá sendiharranum skjótt at svara, at stundir vóru ikki til at svara spurninginum, skrivar Ritzau.

Ken Howery sigur, at hann ætlar sær at styrkja sambandið millum USA og Danmark.

Hann sigur, at verja og trygd, handil og íløgur vera raðfest fremst. Men stúranin um trygdina í Aktis, serliga í Grønlandi, er eisini raðfest.

Einki amerikanskt sendifólk hevur verið í Danmark, síðani Donald Trump bleiv forseti 20. januar í ár.

Ken Howery sigur, at hann ætlar sær at vitja Føroyar og Grønland, skrivar Ritzau.

Hann hevur frammanundan verið sendiharri í Svøríki.