Framvegis størri ferðsla enn væntað

Ferðslan í Sandoyartunlinum er framvegis nógv størri enn upprunaliga var mett.

Miðalferðslan um samdøgrið var 1127 akfør í oktober.

Hon var 1116 í september.

Í oktober í fjør var miðalferðslan 984 akfør.

Eisini í Eysturoyartunlinum vóru fleiri bilar í oktober enn í september.

Miðalferðslan var 6.854 akfør í oktober. Tey vóru 6.745 í september.

Í oktober í fjør vóru tey 6.348.

Bæði í Norðoyatunlinum og Vágatunlinum var miðalferðslan minni í oktober enn í september, men størri enn í oktober í fjør.