Plátubarrin og Diskobeiggjon komin afturíaftur

Tá flytifuglarnir seta kós móti heitari londum, plagar Jákup "Diskobeiggjon" Magnussen at venda nøsina norðureftir frá heitum suðurlendskum strondum móti kuldanum og mykrinum í Føroyum.

Við sær í skjáttuni hevur hann altíð byggikubbarnir til enn eina seasong av Plátubarrini. 

Gaman í, so plagar hann líka at keypa sær ein heitan jakka á flogvøllinum á vegnum heim. 

Byrjar kl. 21

Men í ár er oktober mánaðurin komin og farin, og fólk vóru farin at ótolnast, tí einki hevur verið at hoyrt til Plátubarrina ella Diskobeiggjan leygarkvøld.

Óttist ikki, tí ein væl dæmdur og uppaftur betur upplagdur Jákup Magnussen er sættur í Kringvarpi Føroya, so nú er okkara egni flytifuglur komin heimaftur.

Jákup Magnussen ásannar, at tað hevur tikið eitt sindur longri tíð hesu ferð at reisa seg úr heita liggistólinum á Gran Canaria og koma aftur til Føroya. 

"Um tú hevði verið sama stað, sum eg havi verið, og undir somu umstøðum, so hevði tú nokk gjørt tað saman," sigur Jákup Magnussen. 

Allahalgannadagur er í dag, og útvarpið sendir eisini Allahalgannagudstænastuna. Tað merkir, at fyrsta Plátubarrin í vetrarskránni ikki byrjar fyrr enn klokkan 21.