Trupult hjá løgregluni at avdúka, tá heilivágur verður misnýttur

Alsamt meiri lógligt útflýggjaður heilivágur verður misnýttur sum rúsevni, og tað kann vera trupult hjá løgregluni at avdúka. Harímillum er tað í stóran mun ADHD heilivágurin Ritalin, sum verður misnýttur sum rúsevni við sproytu.

- Tað er ein trupulleiki sum vit hava vitað um í fleiri ár. Dagliga leggja vit nógva orku í bardagan ímóti øllum rúsevnum. Vit hava nógv stór mál av rúsevnum sum verða smuglað inn, sigur Kári Jacobsen, deildarleiðari á kanningardeildini hjá løgregluni. 

Kári Jacobsen, kanningardeildin hjá politinum

- Men so er tað heilivágurin sum fólk misnýta ella selja víðari, og tað hava vit eisini fokus á, sum eitt hvørt annað brot á lógina, sigur hann.