Matur er makt

Í dag, 16. oktober, er World Food Day - altjóða matardagur, sum verður hildin hvørt ár á stovningardegnum hjá Food and Agriculture Organization hjá Sameindu Tjóðum, FAO.

FAO varð stovnað fyri júst 80 árum síðani - í 1945 - og í ár verður dagurin hátíðarhildin undir slagorðinum “Hand in Hand for Better Foods and a Better Future.”

Tað merkir, at lond kring allan heimin verða eggjað til felags ábyrgd fyri at tryggja burðardygga framleiðslu, heilsugóðan mat og eitt rættvíst føðslukervi, har eingin verður gloymdur.

Her á oyggjunum hava vit ein serligan leiklut í altjóða matvøruframleiðslu - vit selja fisk og alifisk til allan heimin - men tá tað kemur til landbúnaðin, so vita vit eisini, at tað er nógv at arbeiða við, um vit skulu gera okkum meira sjálvbjargin og meira burðardygg.

Í dag seta varpa vit ljós á júst hetta í morgunsendingini: Hvussu sjálvbjargin eru vit í Føroyum viðvíkjandi mati, og hvørjir møguleikar og avbjóðingar liggja fyri framman? Tróndur Leivsson vitjaði útvarpsstovuna: