Mistak við Nammco var brúkt sum grundgeving í WTO-málinum

Bjørn Kunoy, professari í lóg, og Sjúrður Rasmussen, løgfrøðiligur ráðgevi á Løgmansskrivstovuni, umboðaðu Føroyar í grein 6-nevndini

Bjørn Kundoy er professari í lóg og var limur í grein 6-nevndini, sum var sett sambært heimastýrislógini at loysa trætumálið millum Føroyar og Danmark um føroyskan limaskap í WTO.

Mynd: Bjarni Árting Rubeksen

Sigurjón Einarsson

14.10.2025 - 13:48

Í grundgevingini fyri, at Føroyar kunnu gerast limir í heimshandilsfelagsskapinum WTO, vísti Bjørn Kunoy, limur í grein 6-nevndini, á, at danskir politikarar hava sagt, at føroyskur limaskapur í Nammco var eitt mistak.

Hetta brúkti hann sum prógv fyri, at danska stjórnin ikki altíð tulkar grundlógina rætt, og at hon tí ikki kann forða Føroyum at gerast limur í WTO.

Bjørn Kunoy, dr. jur og professari í altjóða lóg, starvast sum sendimaður í Washington, og hann var í Breddanum fyrrapartin:

14102025_Bjorn_Kunoy

Bjørn Kunoy og Sjúrður Rasmussen, løgfrøðiligur ráðgevi á Løgmansskrivstovuni, umboðaðu Føroyar í grein 6-nevndini.

Serliga grein 6-nevndin kom seinasta mánað til tað úrslit, at føroyskur limaskapur í alheimshandilsfelagsskapinum WTO er ikki í stríð við ríkisrættarstøðu Føroya.

Aksel V. Johannesen, løgmaður, sigur við Kringvarpið í dag, at ætlanin er at senda umsókn um føroyskan limaskap í WTO í ár.

Allur Breddin kann hoyrast her.