Nógv fleiri tillagað størv í fólkaskúlanum

19 tillagað størv vóru í fólkaskúlanum í farna skúlaári.

Og tað eru nógv fleiri enn undanfarin ár.

Yvirlit hjá Undirvísingarstýrinum vísir, at tillagaðu størvini eru fleirfaldað síðan skúlaárið 2019-2020, úr sjey størvum upp í 19 størv skúlaárið 2024-2025.

Skúlablaðið viðger yvirlitið og hevur samrøðu við Vagn Foldbo, deildarleiðara í Undirvísingarstýrinum.

Tillagað starv er ætlað fólki við varandi skerdum arbeiðsføri. 

Skerjingin skal svara til í minsta lagi ein triðing av fullum arbeiðsføri. 

At talið er fleirfaldað kemst millum annað av tí, at vit hava fingið ein rúmligari arbeiðsmarknað, sum eisini rúmar teimum, sum ikki megna eitt vanligt starv, skrivar Skúlablaðið.