Fólkatingið verður sett í dag

Fólkatingið byrjar í dag, sum vant fyrsta týsdag í oktober.

Byrjað verður við gudstænastu í Christiansborg slotskirkju

Fólkatingið verður sett klokkan ellivu okkara tíð. 

Tað ger Pia Kjærsgaard, tí hon hevur verið longst í fólkatinginum av teimum, sum eru har nú.

Kongshjúnini og Margreta drotning vera hjástødd, tá fólkatingið verður sett. 

Formansskapurin verður valdur í dag.

Enda við tjóðsanginum

Forsætismálaráðharrin heldur sína setanarrøðu. Hon tekur sum vant samanum støðuna í ríkinum.

Og løglistin hjá stjórnini verður lagdur fram í dag.

Í fjør gjørdi formaðurin, Søren Gade, av at enda fyrsta fólkatingsfundin við tjóðsanginum.

Hetta skal gerast ein siður.

Í dag ferLungekoret PUST úr Hvidovre at syngja ”Der er et yndigt land” saman við teimum 179 fólkatingslimunum.