Biðja nú fólk um at stilla upp til eldraráðið

Nú vera fólk biðin um at stilla upp til eldraráðsvalið í Tórshavnar kommunu, sum verður 15. desember.

Fólk, sum eru 60 ár ella eldri valdagin, kunnu stilla upp.

Veljast skulu fimm limir og tríggir varalimir. Valevni skulu hava fimm stillarar.

Freistin at stilla upp er 14. november. Eldraráðið skal sita til 31. desember í 2028.

Viðtøkurnar hjá eldarráðnum eru endurskoðaðar.

Ov fá stillaðu upp

Einki eldraráð hevur verið í Tórshavnar kommunu í hesum valskeiðinum, sum byrjaði á nýggjárinum. 

Valið skuldi annars vera 11. oktober í fjør.

Men bara trý fólk stillaðu upp. Veljast skuldu fimm. Valið var tí av ongum.  

Eldraráðið kom í 2006. Endamálið hjá eldraráðnum er at ráðgeva býráðnum um eldrapolitikk.

Øll, sum eru 60 ár ella eldri, hava valbæri og vælrætt til eldraráðið.