Hestaarbeiði at taka myndir av føroyskum rossum

Cécile Zahorka er heimskend myndakvinna, ið hevur sett fokus á at taka myndir av rossum - serliga gloymdu rossum, ið eru í vanda fyri at doyggja út. 

Á alnetinum og sosialum miðlunum gongur hon undir navninum The Pixel Nomad. 

Í hesum døgum er hon í Føroyum og tekur myndir av føroyskum rossum. Og Cécile Zahorka er hugtikin av bæði Føroyum, føroysku mentanin og ikki minst føroyska rossinum.

Á sínum Facebook-vanga skrivar hon millum annað, at:

"Eg eri forelskað í føroyska rossinum - eitt errið ross, ið er partur av føroyska landslagnum og mentanini. Hetta er mín triðja vitjan í Føroyum, og eg fái ikki tikið nokk av myndum sum hesar." 

Men tað gongur ikki altíð sum prestur prætikar, tá mann skal taka myndir, og so slett ikki av rossum. 

Cécile Zahorka mátti ein dagin herfyri sanna, at tað er eitt hestaarbeiði at taka myndir av føroyskum rossum. 

Føroyngar eru nakrir forherðingar, og okkurt bendir á, at ross okkara eru ikki nógv frægari.