Ísrael bumbað bygning við islamskt universitet í Gasa býi

Ísraelski herurin bumbaði aftur í gjár ein bygning við islamiska universitetið í Gaza býi, sum skal hava verið nýttur til hernaðarligt virksemi, skrivar tíðindastovan NTB.

Á sjónbondum, sum eru almannakunngjørd í bæði ísraelskum og palistinskum miðlum, sæst, at bygningurin rapar.

Ísraelski herurin, IDF, hevur váttað tíðindini, skrivar norska kringvarpið.

Sambært IDF hevur Hamas nýtt bygningin til at hava eftirlit við israelskum herfólki og til at leggja ætlanir um álop. Hetta er ikki váttað av óheftum keldum, skrivar NRK.

Sambært palestinum hava fólk í Gasa, sum eru flutt burtur undan krígnum, leitað sær skjól á universitetsøkinum.

Ísrael hevur seinastu tíðina brotið niður bústaðarhús í Gasa býi, tí Hamas skal hava brúkt tey til hernaðarlig endamál, skrivar NTB.