Eftirlit við russiskum trolarum í altjóða sjógvi

Eisini í Íslandi er áhugi fyri russiskum trolarum, hóast teir ikki sleppa í íslendskan sjógv ella í íslendska havn.

Men teir eru í altjóða sjógvi beint eystan fyri íslendska markið.

Í gjár vóru sjey russiskir trolarar har.

Hálvan juni vóru teir 15, skrivar Morgunblaðið. 

Teir fiska kongafisk.

Annars er bannað at fiska kongafisk á Rygginum. Men tað bannið hjá NAEFC (neafc) virðir Russland ikki.

Tí sleppa teir ikki í íslendska havn. 

Neyvt eftirlit

Íslendska vaktar- og bjargingartænastan hevur neyvt eftirlit við russisku trolaranum.

Haðani frættist, at teir "krógva seg ikki", sum sagt verður.

Teir halda allar altjóða reglur um trygd á sjónum, verður sagt.

Vaktar- og bjargingartænastan sigur eisini, at skip úr ES hava eftirlit við russisku trolarunum á Rygginum.

Í NAEFC eru, umframt Russland, ES, Bret­land, Nor­eg, Ísland og Dan­mark fyr­i Føroyar og Grøn­land.

Russisku trolararnir hava tangaskip við sær, so teir kunnu bunkra á sjónum.