Líkt til at Kringvarpið fer at senda bronsudystin

Líkt er til, at Kringvarpið hóast alt fer at vísa bronsu dystin hjá U21 manslandsliðnum í hondbólti ímóti Svøríki í morgin.

Orsøkin til, at Kringvarpið upprunaliga ikki hevði ætlanir um at senda dystin, var at rættindini vóru ov dýr. Men so fór ein innsavnan í gongd. Og 27 fyritøkur og aðrir stuðlar hava higartil verið við í innsavnanini.

Fíggingin til dystin í morgin er nú um at vera fingin til vega. Tað er Hanus Samró, sum hevur samskipað innsavnanina. 

Stutt sagt, sær tað út til, at pengarnir frá innsavnanini fara til at keypa rættindini leys frá fyritøkuni, sum eigur tey í løtuni, og so verður tað bílígari hjá Kringvarpinum at keypa rættindini. Dysturin byrjar klokkan 16.00 og verður (vónandi) sendur í Kringvarpinum. 

Hoyr samrøðurna, har Hanus Samró greiður frá um innsavnanina.

Hoyr samrøðuna, har Magnus Dam, stjóri í Kringvarpinum, greiður frá verandi støðu í mun til rættindini at senda dystin.