KÍ og NSÍ skulu til Finnlands

Lutakast hevur í dag verið í Nyon í Sveis til fyrsta undanumfari í Conference League kappingini hjá UEFA. Tað er tann lægst styrkismetta kappingin av teimum trimum kappingunum hjá UEFA.

Bæði KÍ og NSÍ fingu finska mótstøðu. KÍ skal møta SJK Jalkapallokerho og føroyska Samuel J. Chukwudi. Her verður fyrri dysturin ætlandi í Finnlandi, meðan returdysturin verður Klaksvík.

NSÍ skal møta HJK Helsinki, sum er stóra felagið í Finnlandi. Fleiri føroysk feløg hava fyrr verið í hornatøkum við HJK, men tað er ongantíð endað við samlaðum sigri. Her hevur NSÍ í útgangsstøðinum heimavøll. Feløgini samráðaast í løtuni um dato og hvussu skal spælast.

HB er eisini í Conference League, men leypur sum steypavinnari upp um fyrsta undanumfar og verður við í lutakastinum til 2. undanumfar.