Flogbóltskvinnurnar taptu fyri Luksemborg

Føroysku flogbóltskvinnurnar taptu 3-0 fyri Luksemborg í seinasta dystinum í Silvurliguni á hesum sinni. 

Settúrslitini vóru 25-20, 25-11 og 25-20.

Fyrsta og triðja sett vóru toluliga jøvn, men tá avgerast skuldi, var Luksemborg hvassari, skrivar Flogbóltssamband Føroya.

Í fyrsta setti skiftust liðini um at vera á odda, men eftir javnleik 18-18, mistu Føroyar takið, og Luksemborg vann fýra stig á rað og síðan settið 25-20.

Í øðrum setti gekk var 9-10, men eftir hetta vunnu Føroyar bara tvey stig, og Luksemborg vann 25-11.

Føroyar komu tó fyri seg aftur í triðja setti og løgdu seg á odda 20-19, men aftur restaði tað síðsta í. Luksemborg vann næstu seks stigini á rað og settið 25-20.

Føroysku kvinnurnar taptu eisini fyrra dystin í Luksemborg. Úrslitið ímóti Íslandi var 3-0.