Uppskot um at løggilda handverksmeistarar kemur í næstu tingsetu

Seint í næstu tingsetuni kemur uppskot um at løggilda handverksmeistarar í byggivinnuni.

Ætlandi skuldi uppskotið koma í løgtingið í vár. 

Hetta eydnaðist ikki.

Men málið er framvegis, um undirtøka fæst fyri tí hjá samgonguflokkunum, at koma á mál við arbeiðinum at gera lóggávu um at løggilda handverksmeistarar. 

Er politisk undirtøka, verður lógaruppskotið lagt fram seint í næstu tingsetu.

Tað sigur Sirið Stenberg, landsstýriskvinna.

Hanna Jensen, løgtingskvinna, spurdi um løggildingina.

Hóast ávísar fyrireikingar eru gjørdar, er ikki greitt, nær ein meistaraútbúgving kann fáast at virka.

Barna- og Útbúgvingarmálaráðið og Umhvørvismálaráðið mugu vera við til at gera uppskotið, sigur Sirið Stenberg.