Síðsta royndin hjá Sissal Jóhonnu gekk væl

Seinasta klædnaroyndin hjá Sissal Jóhonnu Norðberg Niclasen St. Jakobshalle í Basel, áðrenn Eurovision-hálvfinaluna í annaðkvøld, hóskvøldið, gekk væl, halda eygleiðarar. 

Carsten Nilsson frá donskum Eurovision-fjepparasíðuni Eurosong.dk, ið var inni og hugdi eftir klædnaroyndini, ivast ikki í, at Sissal Jóhanna fer at hava eina framúrskarandi framførslu í annaðkvøld. 

"Sissal klárar seg framúrskarandi væl til seinastu klædnaroyndina. Øll vit, ið elska Eurovision, elska Sissal, hon er okkara darlig, tí hon er so blíð og fevnandi."

Sissal Jóhanna Norðberg Niclasen, Eurovision 2025

Mynd: Ritzau / Scanpix

Finaluplássið er ivasamt

Danski Eurovision-fjepparin torir tó ikki at lova, at Sissal Jóhanna klárar at bróta danska finalu-forbannilsið og syngja Danmark í Eurovision-finaluna. 

"Sissal syngur fantastiskt væl og kann leggja so at siga allar hinar luttararnar fyri sínar føtur við sínum sangi. Men um tað er nokk til eitt finalupláss, ivist eg í. Men um alt gongur upp í eina hægru eind, so kann tað lukkast."

Sissal Jóhanna Norðberg Niclasen, Eurovision 2025

Mynd: Ritzau / Scanpix

Carsten Nilsson heldur, at nýggja pallsetingin av "Hallucination" er munandi betri enn til danska Melodi Grand Prix. 

"Men har eru onkrir smálutir, ið ikki enn sita heilt upp á pláss."

Tað er ikki bara bara at luttaka í heimsins størstu sangkapping. Hóast Sissal Jóhanna hevur dugað sera væl at varðveita jarðfesti, so er nógv trýst á at skula upptraðka framman fyri meira enn 100 milliónum hyggjarum kring knøttin.

Sissal Jóhanna Norðberg Niclasen, Eurovision 2025

Tað trýstið kennir Sissal Jóhanna eisini, so hon varð rørd av góðu móttøkuna, ið hon fekk frá áhoyrarunum í St. Jakobshalle í Basel til síðstu royndina. 

So er spurningurin, um tað er nokk til at røkka Eurovision-finaluna?