Grøna virðislønin hjá Tórshavnar kommunu er latin Tjóðhild Patursson

Tað er Tjóðhild Patursson sum í ár hevur fingið grønu virðislønina hjá Tórshavnar kommunu, fyri sítt arbeiði sum vinnurekandi. 
Hon fæst við at veita skeið og reka matstovur, sum leggja dent á at gagnnýta føroyskar rávørur og raðfesta burðardygd:

"Tað er umráðandi at vit byrja at hugsa meiri sjálvstøðugt og sjálvbjargið, bæði viðvíkjandi innflutningi av mati, men eisini í samband við hvat er burðardygt júst í Føroyum"

Um grønu virðislønina greiðir Tórshavnar kommuna frá, at hon skal latast "persóni, stovni ella fyritøku, sum á onkran hátt hava gjørt eitthvørt umhvørvisvinarligt átak, verkætlan ella annað, sum er umhvørvinum at frama".

Umframt grønu virðislønina, er eisini latin umhvørvisstuðul á 325.000 kr. tilsamans, til sjey ymsar verkætlanir:
1. Inspiratiónsgarður við vakstrartunli, Norðurlandahúsið - 10.000 kr. 
2. Lánitrillibørur í Nólsoy - 20.000 kr.
3. Ednulundin, Fríøkið norðuri í Stong, Nólsoy  - 25.000 kr.
4. Vakstrarhús, Serbreytin á Glasi - 40.000 kr.
5. Vakstrartunnil, Felagsveltan á Velbastað - 40.000 kr.
6. Fríøkið við Krossá, Kaldbak - 40.000 kr.
7. Umhvørvisstøð til túnabúgvar, Grannalagið í Krossgøtu - 150.000 kr.

Sokallaða Etika gávan á 49.640 kr. er latin seymiverkstovuni NýNý.

Samrøða við Tjóðhild Patursson: