Tvær altjóða dartkappingar á Glasi um vikuskiftið

Um vikuskiftið vera tvær altjóða dartkappingar í Havn. 

Í dag og næstu tveir dagarnar verður neyvleiki, nervar av stáli og kappingarhugur sameind í altjóða dartkappingini á Glasi har føroyingar og útlendingar kappast við pílum.

Kappast verður í tvímansleiki og í einmansleiki hjá kvinnum, monnum og unglingum.

Eyðun Samuelsen (mynd av Facebook-vanga)

Eyðun Samuelsen. (Mynd av Facebook-vanga)

Havnar Dartfelag skipar fyri kappingini saman við Dartsambandi Føroya.

44 breytir eru, og hálvfinalur og finalur verða spældar í atrium, har góður møguleiki er hjá áskoðarum at síggja dart á altjóða stigi. 

Fyriskipararnir gera nógv burturúr við ljósi, ljóði og stórskíggja.

Hoyr innslag í útvarpstíðindunum, har samrøða er við Eyðun Samuelsen, formann í Havnar Dartfelag:

Kringvarpið stroymir frá avgerandi dystunum, sum vera í morgin frá kl 19 og sunnudagin frá kl 16.