Føroyskur áhugi fyri rakettstøð

Eitt føroyskt ferðalag við Bjarna Kárason Petersen, landsstýrismanni, verið í Hetlandi fyri at kunna seg um eina rakettstøð, ið skal senda smærri fylgisveinar út í rúmdina.

Føroyingar hava í vikuni kunnað seg um spennandi verkætlan í Hetlandi, sum gongur út uppá at skjóta smærri fylgisveinar út í rúmdina

Mynd: Jan Müller

Hilmar Jan Hansen

23.03.2025 - 15:27

Tað er norðast á oynni Unst, at bygdir verða tríggir pallar til rakett-útskjóting, skrivar Orkan.fo.

Hesir pallar skulu vera við til at nøkta stóra tørvin á smærri fylgisveinum hjá bæði fyritøkum og myndugleikum í øllum Europa.

Frammanundan eru bara tvær slíkar útskjótingarstøðir í Europa, sum eru á Andøya í Norra og í Kiruna í Svøríki.

Slíkar útskjótingarstøðir eru av trygdaráðum ikki á europeiska meginlandinum, tí ikki ber til at skjóta út rakettir við fylgisveinum í tættbygdum økjum.

Stigtakari til verkætlanina er íverksetin og fyrrverandi RAF-flogskiparin, Frank Strang.

Hann heldur, at ætlanin gerast ein týðandi liður í eitt nú verjuni av Europa, skrivar Orkan.fo.

Millum annað Føroya Tele hevur víst ætlanini stóran ans, tí møguliga kunnu Føroyar brúkast sum “trackingstøð” í sambandi við útskjótingar frá Hetlandi.