Liva ikki longur, men færri doyggja heilt ung

Eisini skal havast í huga, at fólk millum 25 og 40 ár liva ósunt, og tí er ikki vist, at tey kunnu vera virkin á arbeiðsmarknaðinum í framtíðini

Bjarni á Steig, stjóri í Heilsustýrinum.

Mynd: Bjarni Árting Rubeksen

Katrin Johannessen

18.03.2025 - 20:31

Tað sigur Bjarni á Steig, stjóri í Heilsustýrinum, í sambandi við uppskotið um at hækka pensjónsaldurin.

Pensjónsaldurin skal hækka so líðandi, soleiðis at tey, sum er fødd eftir 31. mars 1972, ikki sleppa á pensjón, fyrr enn tey eru 70 ár.

Færri doyggja ung, men tað er torførari at siga, um fólk sum heild liva longri.

Kanningarnar 'Hvussu hevur tú tað?' frá 2015, 2019 og 2023, sum Heilsustýrið stendur fyri, vísa eisini, at fólk serliga í aldursbólkinum 25-40 ár liva heldur ósunt, og tey verða møguliga ikki arbeiðsfør í mun til at røkka pensjónsaldurin.

Í hoyringsskrivi vísir stjórin í Heilsustýrinum á, at tað kann forða fyri, at pensjónsaldurin verður hækkaður fyri øll.

Um tað skal bera til at hækka pensjónsaldurin, mælir Bjarni á Steig til, at ymisk heilsutiltøk verða sett í verk.

1732782