Styrkja grønlendska kringvarpið

Stutt undan landstingsvalinum í vikuni var breið semja um, at starvsfólkini skuldu hava meira í løn og KNR skal hava nýggjar bygningar.

Tað skrivar heimasíðan hjá KNR, ið hevur tikið saman um tað, politikararnir lovaðu undan valinum.

Fyri at fáa fleiri tíðindi úr øllum landinum, tosa politikararnir eisini um, at fígging skal finnast til meira landsfevnandi virksemi.

Yvirhøvur leggja politikararnir stóran dent á, at kringvarpið hevur stóran týdning fyri fólkaræðið og at tað liggur á politikarunum at geva tí nóg góðar umstøður.