ES: Frælsi heimurin hevur brúk fyri nýggjum leiðara

Forsetin í USA hevur síðani seinna heimsbardaga verið kallaður "leiðarin av frælsa heiminum". Men soleiðis skal ikki vera longur, stendur tað til Kaja Kallas, sum uttanríkispolitiskur leiðari hjá ES.

"Í dag gjørdist greitt, at frælsi heimurin hevur brúk fyri einum nýggjum leiðara. Tað er upp til okkum evropearar at taka ímóti hesi avbjóðing", skrivar Kaja Kallas á miðlinum X.

Hetta hendir eftir, at amerikanski forsetin, Donald Trump, og varaforsetin, J.D. Vance, niðurgjørdu Volodomyr Zelenskiy í Hvítu Húsunum fyrr í kvøld.

Kaja Kallas er fyrrverandi forsætisráðharri í Estlandi.

Tit eru ikki einsamøll
Eisini Ursula von der Leyen, forkvinna í ES-nevndini, stuðlar ukrainska forsetanum á X. Hon skrivar millum annað, at ES fer at halda á at stuðla Ukraina.