Miðlastjóri: Stóri útlendski áhugin ger valstríðið í Grønlandi einsháttað

Útlendski áhugin og útlendski fjølmiðlaumrøðan av Grønlandi hava við sær, at valstríðið verður einsháttað, og snýr seg so at siga ikki um viðurskiftini hjá vanliga borgaranum. 

Grønlendskir miðlar eru ov veikir til at seta aðra dagsskrá, sigur Masaana Egede, ábyrgdarblaðstjóri í grønlendska miðlahúsinum Sermitsiaq.

Heimsins eygu eru vend ímóti Grønlandi í einum tíðarskeiði, har USA vil hava fatur á Grønlandi, og har partar av Grønlandi eru í stríði við Danmark um fullveldi.

Avleiðingin er eisini, at vanlig og týdningarmikil viðurskifti fyri livikorini hjá veljarunum verða skúgvað afturum í valstríðnum. 

Hoyr innslag í útvarpstíðindunum: