Óbodnir gestir í gamla bakarínum

Um eitttíðina í gjár fekk politiið boð um, at óbodnir gestir vóru í húsinum í miðbýnum í Havn, har sum bakaríið hjá Restorff var.

Talan var um átta fólk, kvinnur og menn.

Politiið rak tey á dyr.

Tey vóru komin inn við at bróta ein rút.

Hetta vóru ikki ung fólk, sum rúsaðu seg, men fólk, sum plaga at halda til í Steinatúni, sigur politiið.

Hetta var aðru ferð, at politiið er boðsent, tí fólk hava verið í gamla bakarínum í miðbýnum í Havn.