Ukraina hevur framt fleiri álop á russiskar oljugoymslur

Ukrainski herurin sigur, sambært Reuters, at Ukraina hevur framt álopini í nátt í russisku landspørtunum Kaluga og Tula.

Guvernørurin í Kaluga, Vladislav Shapsha, skrivar á Telegram, at eldur kyknaði í býnum Lyudinovo. Hann sigur eisini, at Russland skeyt niður sjey dronur.

Guvernørurin í Tula, Dmitry Milyaev, skrivar á Telegram, at eldur kom í ein goymslutanga eftir ukrainska álopið í nátt.

Eingin fólkaskaði er fráboðaður.