Danski forsætisráðharrin: Hvørki friður ella kríggj

Danski forsætisráðharrin: Hvørki friður ella kríggj
Londini við Eystrasalt og Nato hava havt toppfund í finska høvuðsstaðnum
Politiskir leiðarar á toppfundi í Helsinki í dag. Frá vinstru Kristen Michal, forsætisráðharri í Estlandi, Alexander Stubb, forseti í Finnlandi, danski forsætisráðharrin Mette Frederiksen, og Nato-aðalskrivarin, Mark Rutte.
Mynd: AFP/Ritzau Scanpix  
 
14.01.2025 - 13:25

Danski forsætisráðharrin, Mette Frederiksen, sigur seg vera samda við svenska forsætisráðharran, Ulf Kristersson, sum um vikuskiftið segði, at tað valdar hvørki friður ella kríggj í Svøríki.

Toppfundur fyri ríkisleiðarar í londunum við Eystrasalt og Nato hevur verið í finska høvuðsstaðnum Helsinki í dag.

Fyrrapartin tosaði Mette Frederiksen við danska fjølmiðlar. Hon legði dent á, at tað hevur týdning at fáa báðar partar av útsøgnini hjá Ulf Kristersson við:

 

Mette_Frederiksen_1

 

Mette Frederiksen fegnast um, at Nato-londini við Eystrasalt styrkja samstarvið á fleiri mótum og stigum:

 

Mette_Frederiksen_2_NYTT
 

 

- Upprunaliga málið hjá Nato at brúka tvey prosent av BTÚ á verjuøkinum, er ikki longur nóg mikið, segði danski forsætisráðharrin.

Við hesum endurtók hon tað, sum hon segði í nýggjársrøðuni, at Danmark longu er farið undir herdubbing, og at hon fer at halda fram. 

- Og tað verður sera, sera dýrt, segði hon.

NATO-londini við Eystrasalt tilskila sær rættin at reagera móti øllum skipum, sum tey hava illgruna um skáka sær undan revsitiltøkum, og eru til vanda fyri trygdina, stendur í felags yvirlýsing frá londunum eftir toppfundin í dag, skrivar Reuters.


 

Er kopiera
Nýggjastu sendingar í ÚV
Mánadag 17. februar
Karl Vidtfeldt: Beri felagið í hjartanum
187908
Mánadag 17. februar
Norðurljóð 17.februar
187247
Mánadag 17. februar
Til lukku Eyðun & Atli
187881
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762