Føroyingur í Kalifornia: Hetta er tað ringasta vit hava sæð

Hóast skógareldar koma fyri mestsum hvørt ár, so er hetta nakað, sum vit ikki hava sæð fyrr.

Tað sigur Meinhard St. John, sum býr í Lafayette fimm tímar norðan fyri Los Angeles, har ógvusligir skógareldar hevur herjað seinastu dagarnar.

"Alt er fullkomiliga brent niður. Einki er eftir, og infrastruktururin er fullkomiliga oyðilagdur", sigur Meinhard St. John um Los Angeles-býlingin Palisades, sum nú er brendur burtur.

"Vit hava fingið bræv um, at vit fara at missa okkara brunatrygging 1. mars, og tað eru nógv fólk, sum ikki kunnu tryggja síni hús longur", sigur hann.

Los Angeles Times skrivar, at eldurin higartil hevur gjørt um seg í einum umráði, sum er yvir 152 ferkilometrar til víddar - ella nakað tað sama sum Suðuroyggin.

Í morgun er talið á deyðum komið upp á ellivu, og stúrt verður fyri, at tað talið verður størri.

Politiið í Los Angeles hevur handtikið ein mann, sum er undir illgruna fyri hósdagin at hava kynt ein eld, ið breiddi seg yvir fýra ferkilometrar.

Hoyrið samrøðu við Meinhard St. John her: