Justin Trudeau fer frá sum kanadiskur forsætisráðharri

Justin Trudeau fer frá sum kanadiskur forsætisráðharri
Liberali flokkurin í Kanada skal hava nýtt forfólk, og harvið skal Kanada eisini hava ein nýggja forsætisráðharra. Justin Trudeau fer frá sum floksformaður og forsætisráðharri
Justin Trudeau
Mynd: Patrick Doyle/Reuters/Ritzau Scanpix  
 
06.01.2025 - 17:09

Justin Trudeau fer frá sum floksformaður í liberala flokkinum í Kanada, og hann fer eisini frá sum kanadiskur forsætismálaráðharri, tá ið nýggjur floksformaður er valdur.

Tað boðaði kanadiski forsætisráðharrin frá á tíðindafundi í Ottawa seinnapartin.

Justin Trudeau verður sitandi sum forsætisráðharri, til nýggjur formaður er valdur. Men hann hevur heitt á generalguvernørin í Kanada um at steðga tingarbeiðnum til tann 24. mars, so at liberali flokkurin fær stundir at velja hansara avloysara.

 

Verið undir trýsti í langa tíð

Justin Trudeau hevur í longri tíð verið undir trýsti frá floksfelagum og vánaligum meiningakanningum. 

Í september yvirlivdi hann eitt uppskot frá kanadisku andstøðuni um misálit, og í desember fór fíggjarmálaráðharrin Chrystia Freeland frá.

Ósemja var millum hana og forsætisráðharran um fíggjarmál, og tey vóru eisini ósamd um, hvussu ávísar handilshóttanir frá Donald Trump skulu handfarast; komandi forsetin í USA ætlar at áseta 25 prosent í tolli á allar kanadiskar vørur.

Val verður til kanadiska tjóðartingið í oktober.

Justin Trudeau hevur verið forsætisráðharri í Kanada síðan 2015.

Er kopiera
Nýggjastu sendingar í ÚV
Mánadag 17. februar
Karl Vidtfeldt: Beri felagið í hjartanum
187908
Mánadag 17. februar
Norðurljóð 17.februar
187247
Mánadag 17. februar
Til lukku Eyðun & Atli
187881
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762