Komandi amerikanski forsetin er misnøgdur

Á stórum hátíðarhaldi í Washington 20. januar tekur Donald Trump við sum forseti.  Tá ið tað hendir, verður framvegis flaggað í hálvari stong fyri at heiðra Jimmi Carter, sum var forseti USA frá 1977 til 1981.

Tað er siður í USA at flagga í hálvari stong í 30 dagar eftir at ein fyrrverandi forseti er deyður. Joe Biden hevur givið boð um, at hetta eisini skal gerast, nú Jimmi Carter er farin í annað ljós.

- Demokratarnir njóta, at okkara stórbæra amerikanska flagg er í hálvari stong, tá ið eg verið tilnevndur, skrivar Donald Trump á sínum miðli Truth Sosial.

Hann sigur, at demokratarnir halda tað vera í lagi, tá teir elska ikki landið, sum teir búgva í. 

- Teir hugsa bara um seg sjálvan, skrivar Trump.

Hann sigur, at flaggið ongantíð áður hevur verið í hálvari stong, tá ið ein forseti hevur tikið við.

- Eingin vil síggja tað, sigur Trump.