Vilja hava tólmenni at gera reint á Glasi

Glasir fer at brúka tólmenni, robottar, til at gera reint.

Skúlin biður um tilboð uppá robottar til at dustsúgva og vaska stóru gólvini.

Talan er um 4.079 fermetrar.

Fyri at avmarka mest møguligt eindartalið, tvs. robotttalið, er tað er fyrimunur, at veitta útgerðin sjálvvirkandi kann brúka lyft á Glasi og harvið sjálv kann ferðast millum hæddirnar eftir tørvi, til dømis um náttina, so útgerðin ger reint, tá virksemið er lítið í bygninginum, stendur í útbjóðingartilfarinum. 

Robottarnir skulu sjálvvirkandi kunna finna aftur til løðistøðina ella aðra neyðuga støð ella staðseting, tá reingerðin er liðug. 

Í vektingini telur prísurin 70 prosent, dygdin 20 prosent og tænasta 10 prosent.