Semingsstovnurin skattar dýpið

Tíðliga í heyst slepti Semingstovurin royndini at finna semju millum millum Maskinmeistarfelagið og Kommunala Arbeiðsgevarafelagið (KAF) um nýggjan sáttmála fyri maskinmeistarar í starvi hjá SEV.

Nýggjasta í málinum er, at Kommunala Arbeiðsgevarafelagið umhugsar at fara í gerðarættin við Maskinmeistarafelagnum. Arbeiðsgevararnir vilja hava greiðu á, um tað er Maskinmeistarafelagið, sum hevur eggjað teirra limum sum arbeiða hjá SEV til ikki at taka telefonina uttanfyri arbeiðstíð.

Við útvarpið í gjár segði Arnfinn Bech, formaður í Maskinmeistarafelagnum, at maskinmeistararnir hjá SEV eru farnir at troyttast av manglandi ásetingum um arbeiðstíðir. Onkur hevur sagt upp, og aðrir velja ikki at taka telefonina, tá teir hava frí.

Semingsstovnurin ger nú eina roynd afturat at finna semju.

-Fyrsta stigið er at tosa við partarnar hvør sær, sigur Terje Sigurðsson, semingsmaður.