14 prosent vøkstur síðani 2019

Lógirnar vóru ikki so ofta brotnar í fjør sum í 2022.

Tølini hjá politinum siga, at fráboðanir um brot á revsilógina, ferðslulógina og aðrar serlógir vóru 3.591 í 2023.

Tær vóru 3.727 í 2022. 

Politiið brúkar nú eitt annað hagtalssnið.

Eitt dømi er stóra minkingin í fráboðanum um harðskap frá 2022 til 2023.

Men yvirskipað vísa nýggjastu tølini ein vøkstur.

Frá 2019 til 2023 vaks talið 14 prosent.

Eingin javnstøða í handtøkum

Handtøkurnar vóru 32 prosent fleiri.

Í fjør vóru 392 handtøkur.

Har er eingin javnstøðu, tí 336 menn og 56 kvinnur vóru handtikin.

Í 2022 vóru 345 handtøkur, 312 menn og 33 kvinnur.

Fráboðanir um brot á revsilógina eru farnar 44 prosent upp síðani 2019.

Millum annað vóru 10 neyðtøkur fráboðaðar í 2019 og 30 í 2023.